Qorako'l School'da yangi o'quv yili ko'tarinki ruh va bayramona muhitda boshlandi. Ertalabki tantanali tadbirda o'quvchilar, ota-onalar va pedagoglar jam bo'lib, yangi bilimlar sari yana bir muhim qadam qo'yildi.

Tadbir davomida maktab rahbariyati barcha o'quvchilarni yangi o'quv yili bilan tabriklab, ularga muvaffaqiyat, yuqori natijalar va unutilmas taassurotlar tiladi. Ayniqsa, maktabga ilk bor qadam qo'ygan 1-sinf o'quvchilari iliq kutib olindi.

Yangi o'quv yilida zamonaviy ta'lim metodlari, amaliy mashg'ulotlar va turli fan to'garaklari orqali o'quvchilarning bilim va ko'nikmalarini yanada rivojlantirish rejalashtirilgan. Maktabimiz har bir o'quvchi uchun qulay, xavfsiz va ilhomlantiruvchi ta'lim muhitini yaratishga intiladi.

Barcha o'quvchilarimizga yangi o'quv yilida ulkan yutuqlar, mustahkam bilim va yorqin kelajak tilaymiz!

Islom Raximqulov